24 de mayo

Santa María da Pastoriza

Encontrase en Arteixo na provinvia da Coruña.Este fermoso santuario ten unha historia rodeada de lendas. Foi construído baixo o mandato do rei suevo Reckiario tras converterse ao cristianismo no ano 448. Despois foi destruído polos normandos no século X, pero a imaxe da Virxe salvou escondida baixo unhas pedras e foi atopada séculos despois por unha nena. que pacía gando, renovando o culto con gran devoción ata hoxe.Dende o santuario pódese ver o monte da Cruz, onde segundo a lenda estaba agochada a imaxe, un conxunto megalítico chamado Berce da Virxe.

Seguindo un antigo ritual, os peregrinos percorren tres veces as pedras do santuario e bican a imaxe da Virxe.Tamén podemos ver neste lugar os restos dun antigo castro e da “Cadeira do Rei” onde, segundo conta a lenda, o rei suevo Reckiario contemplou a cidade dos suevos.