4 de marzo

COMUNICADO DA DIRECCIÓN DO CENTRO

A Comunidade Educativa do Colexio S. Fermín – Padres Somascos súmase á campaña iniciada por Fundicións Rey de Vilagarcía de Arousa. Esta empresa comprométese a transportar todas as doazóns de alimentos e medicamentos a Ucraína.

Recolleremos no Colexio alimentos non perecedoiros e medicamentos todos os días lectivos para posteriormente trasladalos aos almacéns de Fundicións Rey en Vilagarcía.

Cremos que a situación das persoas que permanecen en Ucraína e das que  tiveron que refuxiarse noutros países é dramática, sendo a nosa aportación vital para eles.

Agardamos a vosa colaboración para poder mandar esperanza en forma de medicamentos e alimentos neste tempo de Coresma no que nos preparamos para a Semana Santa.

                                                                                         Un saúdo solidario

                                                                                                    Padre José Luis Montes